Г1АЛГ1АЙ МЕХКА КЪАМАН ЮКЪАРА ГАЗЕТ

ГУЙРЕ

Дагарду ший денош ахко.

Къахьийгад. СалаIар эш.

Тоачош, гизгаш фоартах эхка,

Гуйре-кIанат варга хьеж.

Делхача цу беро санна,

Сахиллалца легадеш тхир.

Лоац а денна дIаух денош,

Лечкъадеш цу мьлха лир.

ДIахьежача — шейолча гаьнаша

(ВIалла цецвувла эшац цох),

КхоалагIча бийсан нускало мо,

Дошо чокхеш тIерадоах.

Таралесташ цIастача тазашта,

Михаца сигаленца лувш

Холаш латт. Кха юхь тIа денна

Iаьржа хабораш тIадувш.

Ашарех хьалйиза аре,

Мехка баркал кхайкадаь,

Оалхазараш цIадолх шортта

Вайна керда бIаьсти я.

Автор:
Ахильгов Микаьил
11.08.2017 18:16
170

Комментарии

Нет комментариев. Ваш будет первым!
Загрузка...