«Магас-Шахьара» КВН тоаба, халкъашта юкъерча ловзара юкъе дакъа лоацаш хургья
02.05.2024 13:34
«Магас-Шахьара» КВН тоаба ший толамий наькъ тӀара яла лаьрхӀа яц, беламерчун дунен лакхаленашка кхача гӀерташ. Укх наькъа КВН Халкъашта юкъерча лиган полуфинале баьлар уж. Из дӀахьош яр Минске, яхаш, дийцар «Сердало» газетага ГӀалгӀай Республикан дегӀаахара къаман ганзо. Цу ганзо дика хьаллаьцар лакхаленга болхараш.
ДӀадихьача 1/8, 1/4 бухсоцаш долча ловзарашка, «Магас-Шахьара тоабо вай ГӀалгӀайче сий долаш гойтар. Кагирхой кхоллама тӀехьалено, цунна иштта бегаш бе харо цецбаьхабар жюре доакъашхой, цудухьа царна елар полуфинале йолча командашта юкъе дикагӀа йола моттиг.
Аьттув хилба цар! Иштта дикача кийчонца а уйлашца а коталонга кхача низ хилба цар!» - аьлар ГӀалгӀай Республикан дегӀаахара къаман ганза викало.
