«62 эзар 972 сага шоай хоржам бир. Из чӀоагӀа гӀадвугаш гӀулакх да! Аз доккха баркал оал, шахьара куц тоадара тӀехьа кхелла къаман проект хьаллоацарашта. ХӀаране хьагойтар, республикан хьал тоадара тӀехьа ше дакъа лаца кийча волга», - белгалдир Мехкадас, шоаш бахача шахьара, юрта куц тоадалар дезаш болча бахархой нигата лакха мах беш.

Иштта цо баркал аьлар, бахархошта из хоржам бе новкъостал деш хиннарашта. Бахархошта эггара хьалхарча аргӀагӀа тоае еза аьнна хетача моттигий куц эргадоаккхаш, болх 2025-ча шера дӀабахьа лерхӀ. Цу беркатеча балхо дикка аттача доаккхаргда бахархой хьал, хозача куце ерзаю мехкара моттигаш.