Ахчанна тӀахьожам барах, аудитах йолча олимпиаде котало яьккхар вай студенткас
03.05.2024 09:09
ГӀалгӀай паччахьалкхен университета студенткас Къоастой Раянас котало яьккхар халкъашта юкъерча студенчески «Ахчанцара тӀахьожами аудити - экономика хьал тоалуш латтача хана» яхача онлайн-олимпиаде. Плеханова Г. В. цӀерах йолча Россерча экономически университета тӀахьожам беш, вай паччахьалкхен университете дӀайихьар олимпиада.
«Россера, Узбекистанера, Казахстанера, Киргизера, Монголера, иштта кхыйолча моттигашкара 1200 совгӀа саг хилар, олимпиаде дакъа лоацаш. Хьахержараш 275 саг ва. Йоккхача олимпиаде котало яьккхар экономикахи кулгал дарахи йолча факультета кхоалагӀча курсе дешача Къоастой Раянас», - дийцар «Сердало» газетага университете.
