«Дунен тӀа эггара лакхагӀча, «Барта ГӀала» яхача этнографе музее ухача наьха теркам тӀаэзар цу дешо. Из диктанта майда хинна дӀаэттар, Сийлахь-боккхача Даьймехка тӀемах, Россе исторех шийна фу хов хьажа безам барашта.

Цу гӀишлон керттерча моттиге шоай болх дӀаболабир тайп-тайпара балхаш деча а, бе-бе ханаш йолча а вай мехкахоша. Цига дакъа лоацаш бар паччахьалкхен Ӏаьдала болхлой, «Сердало» газета журналисташ.

Болама юкъе дакъа лаца венавар Республикан Халкъа Гуллама Председатела заместитель Пхьаранаькъан Руслан», - йоах хоамо.

Белгалду, диктанта доакъашхошта шоай йоазон чаккхе йовзаш хургья, хӀанзчул тӀехьагӀа ши бутт баьлча, шоай электронни почтага гӀолла.