Цунга кийчденна шахьара культуран Элгац ший тайпара дийрзадар. Хьаьшаша, доакъашхоша белггала никъ лехар вахара воча оагӀорахьара Ӏаткъаш долча хьалаца къовсам лоаттабара, из вай мехка чӀоагӀа лоархӀаме а да. Дукхача хана денз сатийса кхетаче вӀашагӀъеллар ГӀалгӀай Республикерча Ерригроссийски къамашта юкъерча кагирхой союза оагӀоно. Цу кхетаче дикагӀбараш хоржача даькъе котбаьннараша цу темах йола докладаш, байташ йийшар, иштта пайда боалаш дола къамаьл а дир хьаьшашца.

«Кхераме йоаца кхоане» яха хьалхара наркотикашта духьалара кхетаче дӀахьоча вена хилар Наьсарен кхале гӀолла йолча Российски Федераце коммунистически парте кулгалхо Баркинхой Сайт-Ахьмад, «Rehab» яхача дарба деча моттига химически хьалах вола консультант ГуноевгӀар Адам, Шолжа-Шахьара администраце кулгалхо Заьзганаькъан Муса, доал деча даькъ тӀара кхыбола викалаш», - аьлар кагирхой совета викалаша.

Цу кхетачене совгӀаташ делар ГӀалгӀай Республика ВМСМ председатела Оздой Инала цӀерагӀа, дикагӀа йолча кхаь тоабанна. СовгӀаташ дӀаденначул тӀехьагӀа, чай молаш, кхетачен хьамара кийчдаь шу диар.

2024 шера маьтсела бетта из ди дицлургдоацаш хилар доакъашхошта. Цу тайпара кхетаче хургья ГӀалгӀай мехка хӀара шера.