Дзюдох йолча яхье, ГӀалгӀайче йовзийташ хургва Халмурзанаькъан Хьусен
Таджикистане дӀахьоргйолча «Dushanbe Grand Slam 2024» яхача къамашта юкъерча дзюдох йолча яхье Россе, ГӀалгӀайчен га доаккхаш хургва дуккхача чемпионаташкара коталонаш кхихьа Халмурзанаькъан Хьасан. Из хоам «Сердало» газетага бир физически культурахи спортахи йолча Министерствос.
«90 кг дозал долча корейцаца Ханаца латаш хургва вай мехкахо. Укх бетта 3-ча дийнахьа хургда хьалхара латар. Дунен 71 мехкара 500 дзюдоист ва, яхьашка дакъа лоацаш. Россерча гулъяьча тоабанна юкъевахав 26 дикагӀа вола спортсмен, царех 13 кхалнах ба. Йоккхача яхьашка шоай еррига говзал, низ дӀагойта аьттув ба спортсмений», - йоах тхогарча хоамо. Котбаьннарашта дала лаьрхӀад ахчан совгӀаташ. Хьалхарча лагӀа тӀа баьннарашта - 5000 евро, дотув даьккхарашта - 3000 евро, кхоалагӀа моттиг яьккхарашта - 1500 евро.
